Jalna Crime : जालना हादरले; जुन्या वादातून तरुणाची हत्या, आई- वडिलांनाही बेदम मारहाण

अक्षय शिंदे 

जालना : जुन्या वादातून कुटुंबाला बेदम मारहाण करत तरुणावर चाकूने वार करत हत्या करण्यात आल्याची घटना जालन्यातील घनसावंगी तालुक्यातील बोधलापुरी गावात घडली आहे. लोखंडी रॉडने मारहाण केल्याने मृत तरुणाचे आई- वडील देखील जखमी झाले असून सकाळच्या सुमारास घडलेल्या या घटनेने गावात प्रचंड खळबळ उडाली आहे. या प्रकरणी पोलिसांकडून तपास सुरु करण्यात आला आहे. 

जालना जिल्ह्यातील घनसावंगी तालुक्यातील बांधलीपुरी या गावात पहाटेच्या सुमारास सदरची थरारक घटना घडली आहे. या घटनेत संभाजी उंडे (वय २७) या तरुणाची हत्या करण्यात आली आहे. जुन्या वादातून तरुणाची निर्घुण हत्या करण्यात आली आहे. संभाजी उंडे यांच्या परिवाराचा जुना वाद होता. या वादाचा मनात राग धरून उंडे कुटुंबावर जीवघेणा हल्ला करण्यात आला. परिवारवर हा हल्ला करण्यात आला आहे. 

पाच जणांनी केला कुटुंबावर हल्ला 

दरम्यान आज सकाळच्या सुमारास गावात या तरुणासह त्याच्या आई- वडिलांना पाच जणांनी लोखंडी रॉडने मारहाण केली. या मारहाणी दरम्यान संभाजी उंडे या तरुणाच्या डोक्यात आणि पोटावर चाकूने वार करण्यात आल्याने तरुण गंभीर जखमी झाला होता. यावेळी ग्रामस्थांनी या तरुणाला उपचारासाठी रुग्णालयात नेले असता डॉक्टरांनी त्याला मृत घोषित केल आहे. तर त्याचे आई- वडील देखील मारहाणीत जखमी झाले आहे. 

पाच जणांवर गुन्हा दाखल 

दरम्यान शवविच्छेदनासाठी या तरुणाचा मृतदेह घनसावंगी सामान्य रुग्णालयात हलवण्यात आला आहे. याप्रकरणी जालन्यातील घनसावंगी पोलीस ठाण्यात संशयित पाच आरोपींविरोधात गुन्हा दाखल करण्यात आला असून पोलिसांनी एका संशयित आरोपीला ताब्यात घेतला आहे. मात्र सकाळच्या सुमारास घडलेल्या या घटनेने गावात प्रचंड खळबळ उडाली आहे.