Jalna Crime: धक्कादायक! डुकरांच्या वाटणीवरुन तीन अज्ञातांनी केला तरुणावर गोळीबार

जालना - बुलेटवरून आलेल्या 3 अज्ञातांनी गावठी पिस्तूलातून तरुणावर गोळीबार केला आहे. या गोळीबारात एक तरुण गंभीर जखमी झाला आहे. जीवन जाधव असं गोळीबारात जखमी झालेल्या तरुणाचं नाव आहे. जालना (jalna) जिल्ह्यातील परतुर (Partur)तालुक्यातील हातडी येथे आज सकाळी ही घटना घडली आहे. डुकराच्या वाटणीवरून गोळीबार झाल्याचा संशय व्यक्त केला जात आहे.

हे देखील पाहा -

परतुर तालुक्यातील हातडी येथे घनसावंगी तालुक्यातील कंडारी परतुर येथील जीवन जाधव नावाच्या व्यक्तीने पाळलेली डुकरे सोडलेली आहेत.आज सकाळी जीवन जाधव हा डुकरांची देखभाल करण्यासाठी हातडीत आला होता. यावेळी बुलेटवरून आलेल्या अज्ञात 3 इसमांनी त्याच्यावर गावठी पिस्तूलातून गोळ्या झाडल्या.

या घटनेत जीवन जाधव याच्या डोक्यावर गोळ्या लागल्याने गंभीर जखमी असून, पोलिसांनी तातडीने त्याला उपचारासाठी जालना येथे हलविले आहे. या घटनेनंतर परतुर पोलिसांनी तातडीने घटनास्थळ गाठून जखमींना मदतकार्य केलं. बुलेटवरून आलेले हल्लेखोर हे तिघेजण असून, ते गोळ्या झाडून पसार झाल्याची माहिती समोर आली आहे. या प्रकरणी पोलीस अधिक तपास करत आहेत.