Jalna Crime News: दारू पिण्यास मागितले पन्नास रुपये; नकार दिल्याने केला चाकूने वार

जालना : दारू पिण्यास पन्नास रुपये न दिल्याने एकाने चाकूने छातीवर वार करून गंभीर जखमी केल्याची घटना (Badnapur) बदनापूर तालुक्यातील केळी गव्हान गावात घडली. यानंतर आरोपी (Jalna News) फरार झाला आहे. (Tajya Batmya)

केळी गव्हान (जालना) गावातील पप्‍पू भाऊसाहेब मदन हे आपल्या घरासमोर उभे होते. या दरम्‍यान गावातील भगवान शिवाजी मदन त्या ठिकाणी आला. त्याने काय चाललेय असं विचारत मला दारू पिण्यासाठी पन्नास रुपय दे असे म्हटले. त्यांनी पैशांसाठी तगादा लावत हुज्जत घालण्यास सुरवात केली. पैसे देण्यास नाकार देताच त्यांनी पपू मदन यांचा (Crime News) गळा धरून त्यांना ओढाताण करत खिशात हात घालून चाकू काढून छातीवर आणि हातावर चाकूने हल्ला करत गंभीर जखमी केले.

पपू मदन यांनी आरडाओरड करताच ग्रामस्थांनी धाव घेतली. या दरम्‍यान आरोपी भगवान मदन हा तेथून फरार झाला. यानंतर जखमी अवस्थेत जिल्हा सामान्य रुग्णालयात उपचारासाठी दाखल केले. घटनेची माहिती मिळताच बदनापूर पोलिसांनी घटनेचा पंचनामा करत जखमी पपू मदन यांच्या तक्रारीवरून भगवान शिवाजी मदन याच्या विरुद्ध बदनापूर पोलीस ठाण्यात जीवे मारण्याचा प्रयन्त केल्याप्रकरणी गुन्हा दाखल केला असून पोलीस फरार आरोपीचा शोध घेत आहे.