Jalna News: बेपत्‍ता युवकाचा मृतदेह आढळला तलावात; घातपाताचा संशय

जालना : जालन्यात चार दिवसांपासून बेपत्‍ता असलेल्‍या युवकाचा मृतदेह तलावात आढळून आला आहे. जालना (Jalna) जिल्ह्यातल्या लालवाडी शिवारातील ही घटना घडली असून या प्रकरणात दोन संशयितांना पोलिसांनी (Police) ताब्यात घेतले आहे. (Tajya Batmya)

अंबड तालुक्यातील लालवाडी शिवारातील तलाव परिसरात ही घटना घडली आहे. योगेश भुजंगराव सुळसुळे असे खून (Crime News) करण्यात आलेल्या तरुणाचे नाव असून तो चार दिवसांपासून तो बेपत्ता असल्याची तक्रार अंबड पोलिस ठाण्यात दाखल करण्यात आली होती. पोलिसांकडून त्यांचा शोध घेऊनही शोध लागत नसल्याने पोलिस याप्रकरणी कसून चौकशी करत होते. या दरम्‍यान आज लालवाडी शिवारात असलेल्या तलावात त्याचा मृत्यदेह आढळून आला.

दोन संशयीत ताब्‍यात

पोलिसांनी यात घातपाताचा संशय व्यक्त करत या प्रकरणी गुन्हा दाखल केला आहे. नातेवाईकांच्या संशयावरून दोन संशयितांना ताब्यात घेतले असून ज्ञानेश्वर किसन शिंदे आणि रामप्रसाद शिंदे अशी ताब्यात घेतलेल्या संशयितांची नावे आहेत. या प्रकरणी अंबड पोलिस अधिक तपास करत आहेत.