Yawal News : धरणाच्या बॅकवॉटरमध्ये बुडून तरुणाचा मृत्यू; म्हैशीला बाहेर काढताना गेला तोल

यावल (जळगाव) : नदीत गेलेल्या म्हैसला पाण्यातून बाहेर काढण्यासाठी गेलेल्या तरुणाचा पाय घसरून खोल पाण्यात बुडून (Death) मृत्यू झाला. ही घटना १८ मार्चला सायंकाळी उघडकीस आली. नागरिकांनी घटनास्थळी (Jalgaon) जात तरुणास पाण्यातून बाहेर काढत ग्रामीण रुग्णालयात नेले असता डॉक्टरांनी मृत घोषित केले. (Breaking Marathi News)

यावल (Yawal) तालुक्यातील अंजाळे गावातील रहिवासी सुनील दिलीप बादशाह (वय ३०) हा तरुण १८ मार्चला सायंकाळी मोर नदीच्या पात्राजवळ गुरे चराईसाठी गेला होता. मोर नदीपात्रात शेळगाव बॅरेजच्या बॅकवॉटरकडे एक म्हैस गेली. त्या म्हशीला पाण्यातून बाहेर काढत असताना सुनील याचा तोल गेला आणि तो पाण्यात पडला. खोल पाण्यात पडल्याने त्याला बाहेर निघता न आल्याने तो बेपत्ता झाला. हा प्रकार सोबत असलेल्या गुराख्यांच्या निदर्शनास आला असता त्याने गावात याबाबत माहिती दिली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

यानंतर नागरिकांनी पोहणाऱ्यांच्या मदतीने सुनील बादशाह याला पाण्यातून बाहेर काढले आणि यावल ग्रामीण रुग्णालयामध्ये आणण्यात आले. रुग्णालयात डॉ. तुषार सोनवणे यांनी तपासणी करून त्याला मृत घोषित केले. या प्रकरणी यावल पोलिस ठाण्यात भरत बादशहा यांनी दिलेल्या माहितीवरून अकस्मात मृत्यूची नोंद करण्यात आली आहे. मृत सुनीलच्या पश्चात आई-वडील, पत्नी, तीन वर्षाचा मुलगा, सात महिन्याची मुलगी असा परिवार आहे.