पब्‍जी गेमसाठी तरूणाची आत्‍महत्‍या; रिचार्ज करून न दिल्‍याने टोकाचे पाऊल

जळगाव : मोबाईलवर पब्‍जी गेम खेळताना त्‍यात शेवटच्‍या लेव्‍हलपर्यंत जात अनेकांनी आत्‍महत्‍या केल्‍याच्‍या घटना घडल्‍या आहेत. परंतु, हा गेम खेळताना मोबाईलमधील इंटरनेट डाटा संपला. यानंतर वडीलांनी रिचार्ज करून न दिल्‍याने एका तरूणाने आत्महत्या (Suicide) केल्याची धक्कादायक घटना बोदवड येथे घडली. (jalgaon news Suicide of a youth for a pubg game)

बोदवड (Bodwad) शहरातील दत्त कॉलनीमधील रहिवासी सुरेश सखाराम माळी (वय ५१) यांचा मुलगा अजय माळी याला मोबाईलवर पब्जी (PUBG) खेळण्याची आवड होती. यासाठी सुरेश माळी यांनी त्याला नुकताच स्मार्टफोन घेऊन दिला होता. मात्र त्यातील डाटा लागलीच संपल्याने त्याने वडिलांकडे रिचार्जसाठी आग्रह केला. यावेळी वडिलांनी त्याला थांबण्याचे सांगितले असता अजय हा घरातून निघून गेला होता. यानंतर अजयच्या कुटुंबियांनी त्याचा शोध घेतला. परंतु तो आढळला नाही. त्यामुळे या संदर्भात बोदवड (Police) पोलिसांत तो हरवल्याची तक्रार दिली होती.

अन्‌ विहिरीत आढळला मृतदेह

दरम्यान १२ जुलैल शहरातील रूपनगरामधील प्रभाग क्रमांक तीनमध्ये खाटीक समाज मंदिराजवळील विहिरीत अजय याचा मृतदेह आढळून आला. या प्रकरणी सुरेश माळी यांच्या फिर्यादीवरून येथील पोलिसांत अकस्मात मृत्यूची नोंद करण्यात आली.