Cold Wave: जळगाव गारठले; पारा @६ अंश

जळगाव : मागील दोन– तीन दिवसांपासून थंडीचा कडाका वाढू लागला आहे. यात (Jalgaon) जळगावचे किमान तापमान ६ अंशापर्यंत खाली आले असून यंदाच्‍या (Tempareture) तापमानातील हा निच्‍चांक आहे. (Breaking Marathi News)

हवामान विभागाने यंदा कडाक्याच्या थंडीचा (Cold Wave) अंदाज व्यक्त केला होता. मात्र, नोव्हेंबरमध्‍ये तीन ते चार दिवस पारा १० अंशापेक्षा कमी झाला. परंतु, तर डिसेंबर महिन्यात ढगाळ वातावरण राहिल्यामुळे कधी थंडी तर कधी गरमी जाणवत होती. मात्र, जानेवारीच्‍या पहिल्‍या आठवड्यापासूनच थंडीचा जोर वाढला आहे. जिल्‍ह्यातच नव्‍हे तर राज्‍यात ही थंडी कायम आहे.

जानेवारी महिन्यात किमान तापमानाची सरासरी १० अंशापर्यंत खाली आली. गेल्या पाच वर्षांत जानेवारी महिन्यातील तापमानाची सरासरी ही १३ अंश इतकी होती. मात्र, यंदा ही सरासरी ३ अंशानी कमी झाली आहे. आता पारा ६ अंशावर आल्‍याने कडाक्याच्या थंडीमुळे जनजीवनावरदेखील परिणाम होताना दिसून येत आहे.