धक्कादायक..एकाच कुटूंबातील तीन अल्पवयीन मुलींना पळविले

जळगाव : एकाच कुटुंबातील तीन अल्पवयीन मुलींना फूस लावून पळवून नेल्याची धक्कादायक घटना उघडकीस आली. याबाबत पहूर पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.

जामनेर तालुक्यातील एका गावात परिवार वास्‍तयास आहे. येथे दोन परिवार एकत्र राहतात. दोन भाऊंच्‍या परिवारात १६ वर्षाची आणि दोन १५ वर्षाच्या अशा तीन मुलींसह राहतात. गुरूवारी (९ सप्टेंबर) सकाळी दहा ते साडेअकराच्या सुमारास घरातल्‍या वाड्यातून तीनही अल्पवयीन मुलींना अज्ञात व्यक्तीने फूस लावून पळवून नेले. तीनही मुलींचा पालकांनी नातेवाईकांकडे शोधा शोध केली. परंतू मुली कुठेच आढळून आल्या नाहीत.

पोलिसात अज्ञाताविरूद्ध गुन्‍हा

दिवसभर शोधाशोध केल्‍यानंतर पालकांच्या फिर्यादीवरून रात्री उशीरा पहूर पोलीस ठाण्यात अज्ञात व्यक्ती विरोधात तक्रार देण्यात आली. त्यांच्या तक्रारीवरून पहूर पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. पहूर पोलिस पुढील तपास करत आहेत.