दोन्‍ही मुलांनी मिळून केला जन्‍मदात्‍याचा खून; दवाखान्‍यात जाण्याचे किरकोळ कारण

जळगाव : आजारी वडीलांना दवाखान्यात जाण्याचे सांगितले. या किरकोळ कारणावरून उद्‌भवलेल्‍या वादातून पोटच्‍या दोन्ही मुलांनी वडीलांचा खून केल्याची धक्कादायक घटना आज सकाळी घडली. काही क्षणात होत्‍याचे नव्‍हते. (jalgaon-news-crime-news-two-boy-father-fight-and-bit)

निमखेडी शिवारातील कांताई नेत्रालय परिसरात वास्तव्यास असलेले प्रेमसिंग अभिसींग राठोड (वय ५०) हे पत्नी, दोन मुले, दोन मुली यांच्यासह वास्तव्यास होते. ते गेल्‍या काही दिवसांपासून आजारी होते. यामुळे आज सकाळी त्यांची मुले दीपक आणि गोपाळ यांनी दवाखान्यात जाण्याचे सुचविले. मात्र प्रेमसिंग यांनी याला नकार दिला. यावर घरात वाद झाला.

बापाने मुलाला धमकावले अन्‌

वादातूनच प्रेमसिंग यांनी चाकू उगारून मुलांना धमकावले. याप्रसंगी झालेल्या झटापटीत दोन्ही मुलांनी वडिलांवर चाकूने वार करून त्यांना संपविले. काही क्षणांमध्ये झालेल्या या प्रकारामुळे परिसरात खळबळ उडाली. तालुका पोलीस स्थानकाच्या कर्मचार्‍यांनी घटनास्थळी धाव घेऊन दीपक आणि गोपाळ या दोन्ही मुलांना ताब्यात घेतले आहे. या प्रकरणी गुन्हा दाखल करण्याचे काम सुरू होते.