चार वर्षीय चिमुकलीवर अत्‍याचार; चाळीसगावातील घटना

चाळीसगाव (जळगाव) : अल्पवयीन चार वर्षीय मुलीवर एकाने अत्याचार केल्याची धक्कादायक घटना समोर आली आहे. याप्रकरणी शहर पोलिसांनी (Chalisgaon City Police) आरोपीला ताब्यात घेतले आहे.

चाळीसगाव (Chalisgaon) शहरातील चार वर्षीय मुलीला बिस्किटचा पुडा खायला घेऊन देतो असे सांगून चाळीसगाव रेल्वे स्थानकाजवळ घेऊन गेला. यानंतर त्‍या चिमुकलीवर अत्याचार केल्याची थरारक घटना शनिवारी रात्रीच्‍या सुमारास घडली. या घटनेने परिसरात एकच खळबळ उडाली आहे. दरम्यान संशयीत आरोपी हा पिडीतांचा लांबचा नातेवाईकच असल्याचे फिर्यादीत नमूद करण्यात आले आहे.

संशयीत ताब्‍यात

दरम्यान चार दिवसांपूर्वीच घडलेली घटना अजून ताजी असताना चिमुकल्‍या मुलीवर अत्‍याचार झाल्‍याच्‍या घडलेल्या या घटनेने चाळीसगाव हादरून गेले आहेत. याप्रकरणी शहर पोलिसांनी सावळाराम भानुदास शिंदे (रा. लोंढरे, ता. नांदगाव जि. नाशिक) यास ताब्यात घेतले असून त्याच्‍या विरूद्ध गुन्हा दाखल करण्यात आला आहे. पोलिस निरीक्षक के. के. पाटील यांच्या निर्देशानुसार पुढील तपास सपोनि विशाल टकले करीत आहेत.