BJP: भुसावळात भाजपचा जल्‍लोष; केले लाडू वाटप

जळगाव : भारतीय जनता पक्षाने चार राज्यात मिळविलेल्या विजयाचा आनंद भुसावळ शहरातील भाजपाच्या कार्यकर्त्यांनी भुसावळ शहरातील बाजारपेठ पोलीस स्टेशन जवळील चौकात मोठ्या जल्लोषात साजरा केला. (jalgaon news BJP burning in Bhusawal on four state election victory)

देशातील पाच राज्यांच्या निवडणुकांचे (Election) निकाल आज जाहीर झाले. या निकालात चार राज्‍यांमध्‍ये भाजपने (BJP) निर्विवाद वर्चस्‍व मिळविले. या मिळालेल्या यशानंतर भाजपतर्फे सर्वत्र जल्‍लोष केला जात आहे. त्‍यानुसार भुसावळमध्‍ये (Bhusawal) देखील भाजप तर्फे जल्‍लोष साजरा केला.

फटाक्‍यांची आतिषबाजी

भुसावळ शहरातील भाजपच्या कार्यकर्त्यांनी फटाक्यांची आतिषबाजी करीत ढोलताशांच्या गजरात भाजपाने चार राज्यात मिळविलेल्या विजयाचा आनंद साजरा केला. यावेळी भाजपच्या कार्यकर्त्यांनी लाडुचे वाटप केले.