Jamner News: बंजारा समाज आक्रमक; जमिनीचा प्रश्‍न तात्‍काळ मार्गी लावा

जामनेर (जळगाव) : ग्राम विकास मंत्री गिरीश महाजन यांच्या जामनेरमध्ये जमिनीच्या प्रश्नाबाबत व ताड्या- पाड्यावरील विकास कामांच्या प्रलंबित प्रश्नाबाबत बंजारा समाज आक्रमक झाला. बंजारा ब्रिगेडच्यावतीने (Jamner) जामनेरमध्ये धडक मोर्चा काढून बंजारा समाजाच्या जमिनीचा प्रश्न तात्काळ मार्गी लावण्याची मागणी केली. (Letest Marathi News)

ग्रामविकास मंत्री गिरीश महाजन यांच्या मतदार संघातील जामनेरमध्ये बंजारा समाजाच्या जमिनीच्या प्रश्नाबाबत व ताड्या पाड्यावरील विकास कामांच्या प्रलंबित प्रश्नाबाबत बंजारा समाज आक्रमक झाला. बंजारा ब्रिगेडच्या वतीने जामनेरमध्ये तहसील कार्यालयावर धडक मोर्चा काढण्यात आला. या धडक मोर्चात हजारोच्या संख्येने बंजारा समाज बांधव रस्तावर उतरले असून आपल्या मागण्या मान्य न झाल्यास तीव्र स्वरूपाचे आंदोलन छेडण्याचा इशारा बंजारा ब्रिगेडच्यावतीने मंत्री गिरीश महाजन व पालकमंत्री गुलाबराव पाटील यांना निवेदनाद्वारे देण्यात आला.

तर खुर्चीवरून उतरविण्याचीही ताकद

बंजारा समाजाच्या भरोशावर अनेक राजकीय नेते निवडून येत असून निवडून आल्यावर तेच नेते आमच्या मुलभूत सोयी सुविधाकडे दुर्लक्ष करीत आहेत. आमच्यात त्यांना खुर्चीवर बसविण्याची ताकद आहे. तशीच खुर्चीवरून खाली उतरविण्याची पण ताकद आहे; असा चिमटा काढून संपूर्ण समाज एकजूट झाल्याशिवाय पर्याय नाही.