Jalgaon News : आधी वडिलांची आत्महत्या, २ दिवसांनी मुलाचाही संशयास्पद मृत्यू, नेमकं घडलं काय?

Crime News : वडिलांनी चिठ्ठी लिहून आत्महत्या केली. त्यानंतर मुलगा बेपत्ता झाला. दोन दिवसांनी मुलाचा संशयास्पद मृतदेह आढळला. वडिलांच्या पाठोपाठ मुलाचा मृत्यू झाल्याने परिसरात खळबळ उडाली आहे.
crime
crime saam tv
Published On

संजय महाजन, साम टीव्ही, प्रतिनिधी

Jalgaon : वडिलांच्या आत्महत्येनंतर दोन दिवसांनी तरुणाचा मृतदेह आढळल्याने मोठी खळबळ उडाली आहे. ही घटना जळगावच्या धरणगाव तालुक्यात घडल्याची माहिती समोर आली आहे. मृत तरुणाच्या वडिलांनी दोन दिवसांपूर्वी चिठ्ठी लिहून आत्महत्या केली होती. या पिता-पुत्राच्या मृत्यूने परिसरात भीतीचे वातावरण निर्माण झाले आहे.

मिळालेल्या प्राथमिक माहितीनुसार, मृत तरुणाचे नाव विकी उर्फ हितेश विठ्ठल पाटील असे आहे. तो इन्स्टाग्रामवर रिल बनवत असे. रिल स्टार असलेल्या या तरुणाचा संशयास्पद मृतदेह आढळला. विकी हा एरंडोल शहरात राहत होता. दोन दिवसांपासून तो बेपत्ता होता. आज पोलिसांना त्याचा मृतदेह सापडला.

विकी पाटीलचे वडील विठ्ठल पाटील हे माजी सैनिक आहेत. विकी आणि त्याचे आईवडील एरंडोल शहरात वेगवेगळे राहत होते. २५ फेब्रुवारी रोजी विकीच्या वडिलांनी म्हणजेच विठ्ठल पाटील यांनी गळफास घेवून आत्महत्या केली होती. सुसाईड नोट लिहून त्यांनी स्वतःचे जीवन संपविले होते. त्यानंतर त्यांचा मुलगा बेपत्ता झाला.

crime
Pune Crime : पोलीस ठाण्यात पोलिसानेच स्वत:ला घेतलं पेटवून, कारण धक्कादायक

वडिलांनी आत्महत्या केल्यानंतर मुलाचा मृत्यू झाल्याची धक्कादायक घटना जळगावमध्ये घडली आहे. सैनिक वडील आणि रील स्टार मुलगा यांच्या मृत्यूमुळे धरणगाव तालुका हादरला आहे. या दोन्ही घटनांचा एकमेकांशी संबंध आहे का याचा शोध पोलीस घेत आहेत. वडिलांप्रमाणे मुलानेही आत्महत्या केली की त्याची हत्या झाली या प्रश्नाचे उत्तर पोलीस शोधत आहेत.

crime
Dattatray Gade : कोण ऊसाच्या फडात घुसलं, कोणी पाणी दिलेल्या शेतात पळत सुटलं; दत्ता गाडेचा शोध घेताना पोलिसांची दमछाक; तरीही निराशा

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com