Raigad Breaking : रायगड जिल्ह्याच्या पोलीस अधिक्षकपदी सोमनाथ घार्गे यांची नियुक्ती

रायगड : रायगड पोलिसांबाबत एक मोठी बातमी समोर आली आहे. रायगड जिल्ह्याच्या पोलीस अधीक्षक पदावर आयपीएस अधिकारी सोमनाथ घार्गे नियुक्ती करण्यात आलीय. याबाबत आज शुक्रवारी गृह विभागाकडून आदेश देण्यात आले आहेत. रायगडचे मावळते पोलीस अधिक्षक अशोक दुधे यांच्या नियुक्तीचे आदेश स्वतंत्रपणे देण्यात येणार आहेत. (IPS Somnath Gharge appointed as raigad Superintendent of police)

गेल्या काही दिवसांपासून रखडलेल्या आयपीएस अधिकाऱ्यांच्या बदल्यांना घार्गे यांच्या नियुक्तीने मुहूर्त मिळाला आहे.मात्र एकत्रित आदेश बजावण्याऐवजी स्वतंत्रपणे केल्या जात असलेल्या आदेशांबद्दल पोलीस वर्तुळातून आश्चर्य व्यक्त केले जात आहे.

उर्वरित वरिष्ठ आयपीएस अधिकाऱ्यांच्या बदल्या व बढत्या कधी होतील,याकडे सर्वांचे लक्ष लागले आहे. सोमनाथ घार्गे शनिवारी पदभार स्वीकारणार असल्याची माहिती आहे. अशोक दुधे गेल्या दोन वर्षांपासून रायगड पोलीस अधीक्षकपदी कार्यरत होते.