डॉ. ऋचा रुपनर यांच्या आत्महत्येस कारणीभूत असलेले डॉ. सुरज रुपनर यास पोलिसांनी तात्काळ अटक न केल्यास इंडियन मेडिकल असोसिएशन (आयएमए) राज्यभर आंदोलन छेडले जाईल असा इशारा पंढरपूर आयएमएचे अध्यक्ष डॉक्टर सुनील कारंडे यांनी दिला आहे. आज आयएमएने पंढरपूर येथे काळ्या फिती लावून घटनेचा निषेध नाेंदविला.
डॉ. ऋचा रुपनर यांनी त्यांचे पती डॉ. सुरज यांच्या जाचास कंटाळून 6 जूनला घरी आत्महत्या केली. त्यानंतर 3 दिवसांनी सांगोला पोलिस ठाण्यात डाॅ. सूरज रुपनर याच्यावर पाेलिसांनी गुन्हा नाेंदविला.
दरम्यान डाॅ. सूरज यास अद्याप अटक न झाल्याने इंडियन मेडिकल असोसिएशनने आक्रमक पवित्रा घेतला आहे. सूरज रुपनर यास अटक करावी, त्याचा पासपोर्ट जप्त करावा अशी मागणी आज आयएमएने जिल्हाधिकारी यांची भेट घेतली. यावेळी आयएमएने राज्यभरात पोलिसांच्या विरोधात तीव्र आंदोलन केले जाईल असा इशाराही निवेदनाच्या माध्यमातून दिला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.