तृतीयपंथी यांच्या उपचारासाठी स्वतंत्र वार्ड करणार स्थापन, आरोग्यमंत्र्यांनी दिले निर्देश

जालना - तृतीय पंथीयांच्या (Transgender)आरोग्य विषयक प्रश्नांसंदर्भात मंत्रालयात बैठक झाली. या बैठकीत तृतीय पंथीयांच्या उपचारासाठी स्वतंत्र वार्ड, रूम देण्याबाबत आराखडा तयार करून सादर करण्याचे निर्देश देण्यात आले आहे अशी माहिती आरोग्यमंत्री राजेश टोपे (Rajesh Tope) यांनी दिली.

हे देखील पहा -

काल राज्यातील तृतीयपंथीयांच्या प्रश्नासंदर्भात मंत्रालयात बैठक झाली असून त्यांच्यावर उपचारासाठी मेडिकल कॉलेज आणि शासकीय रूग्णालयात स्वतंत्र वार्ड तसेच स्वतंत्र रूम देण्यासंदर्भात स्वतंत्र धोरण तयार करण्यासाठी आराखडा तयार करण्याचे निर्देश संबंधित अधिकाऱ्याना देण्यात आल्याची माहिती देखील टोपे यांनी दिली आहे. ते जालन्यात बोलत होते.

तृतीय पंथीयांना वेगवेगळ्या प्रकारच्या शस्त्रक्रिया करायच्या असून शासकीय रुग्णालयात उपचार घेताना त्यांना वेगवेगळ्या अडचणी येतात त्यामुळे त्यांना उपचारासाठी शासकीय रुग्णालय तसेच मेडिकल कॉलेज मध्ये स्वतंत्र वार्ड तसेच रूम मिळण्यासाठी संबंधित अधिकाऱ्यांना आराखडा तयार करून सादर करण्याचे निर्देश देण्यात आल्याचे देखील टोपे यांनी म्हटलं आहे.