Breaking: नाशिकमध्ये पवन एक्स्प्रेसचे ७ ते ८ डब्बे रुळावरून घसरले

तबरेज शेख

नाशिक : नाशिक रोड रेल्वे स्टेशन जवळ असणार्‍या लहवित जवळ रेल्वेचे डबे लाईन तुटून पडल्याची माहिती मिळत आहे. अनेक लोक यामध्ये जखमी झाले आहेत. रेल्वे पोलिस (Police) आणि आर पी एफ घटनास्थळी याठिकाणी मार्गक्रमण करत आहे. अशी माहिती मिळाली आहे. पवन एक्सप्रेस (Pawan Express) नाशिकच्या १२ कि.मी पाहिले रुळावरून खाली उतरली आहे. काही लोक गंभीर जखमी झाले आहेत.

हे देखील पहा-

नाशिकजवळील (Nashik) लहवित- देवळाली स्थानकाच्या दरम्यान लोकमान्य टिळक टर्मिनस- जयनगर एक्स्प्रेसचे काही डबे रुळावरुन घसरल्याची धक्कादायक घटना रविवारी दुपारी घडली आहे. या अपघातात काही प्रवासी जखमी झाले असून रेल्वे पोलिस, वैैद्यकीय पथक घटनास्थळाकडे रवाना झाले आहेत.

रविवारी दुपारी ३ वाजून १० मिनिटांच्या सुमारास नाशिकजवळील लहवित- देवळाली या स्थानकादरम्यान डाऊन मार्गावर एलटीटी - जयनगर एक्स्प्रेसचे डबे रुळावरुन घसरले आहेत. रेल्वे रुळाला तडे गेल्याने हा अपघात झाल्याचा प्राथमिक अंंदाज आहे. मात्र, अपघाताचे नेमके कारण काय, याविषयी रेल्वेकडून अद्याप स्पष्टीकरण देण्यात आले नाही. मध्य रेल्वेने ट्विटरवर अपघाताची माहिती दिली असून यात मदत पथक घटनास्थळी रवाना झाल्याचे सांगितले आहे.

Edited By- Digambar Jadhav