Tanisha Bormanikar: बारावीला १०० टक्के मिळवणारी तनिषा बोरमणीकर कोण आहे? याआधीही जगाच्या नकाशावर गाजवलंय छत्रपती संभाजीनगरचं नाव

राज्यात आज बारावीचा निकाल जाहीर झाला. यात अनेक विद्यार्थ्यांनी घवघवीत यश मिळवले आहे. बारावीच्या परिक्षेत छत्रपती संभाजी नगरच्या तनिषा बोरमणीकरने १०० टक्के मिळवले आहे. तनिषा बोरमणीकरने संपूर्ण देशात संभाजीनगरचे नाव मोठे केले आहे. तनिषा ही अभ्यासासोबतच खेळातदेखील हुशार आहे. तनिषा ही आंतरराष्ट्रीय पातळीवर बुद्धिबळ खेळते.

तनिषाने मालदीव येथे झालेल्या उकुलहास येथील पश्चिम आशिया युवा चॅम्पियनशिपमध्ये कांस्य पदक मिळवले आहे. या स्पर्धेत तनिषा दुसरी आली होती. १६ वर्षांखालील वयोगटात तिने भारताचे प्रतिनिधित्व केले होते. यात २५० खेळांडूमध्ये तिने द्वितीय क्रमांक मिळवला आहे. स्पर्धेत तनिषाने फक्त अर्ध्या गुणाने सुवर्ण पदक गमावले होते. तिला या कामगिरीसाठी FIDE कडून वुमन कॅन्डीडेट मास्टर या पदवीने सन्मानित केले आहे.

तनिषा ही अभ्यासात खूप हुशार आहे. बारावीत तिने १०० टक्के मिळवले आहे. तिने दहावीच्या परीक्षेत ९८.२ टक्के गुण प्राप्त केले होते. तनिषाला मोठे होऊन सीए बनायचे आहे. ती सध्या सीए फाउंडेशनच्या परीक्षेची तयारी करत आहे.

तनिषा ही खूप हुशार विद्यार्थिनी आणि अष्टपैलू खेळाडू आहे. तिला बारावीत घवघवीत यश मिळाले आहे. त्यामुळे तिच्या कुटुंबियांना आणि शिक्षकांना खूप आनंद झाला आहे. तनिषा संभाजीनगरची आहे. ती संभाजी नगरच्या देवगिरी कॉलेजमध्ये शिकत होती. बारावीच्या परीक्षेत १०० टक्के मिळवणारी तनिषा ही राज्यातील एकमेव विद्यार्थिनी आहे.