Satara: मामाच्या गावास आलेल्या तारळेतील मुलाचा डोंगरावरुन पडून मृत्यू

सातारा : शिवाजीनगर (shivajinagar) येथे डोंगरावर (mountain) गेलेल्या मुलांवर मधमाशांनी (bee) हल्ला केला. यामध्ये तारळे (ता.पाटण) येथील एक १३ वर्षाचा मुलगा (boy) डोंगराच्या कड्यावरून खाली कोसळला. या घटनेत त्याचा मृत्यू झाला आहे. (satara latest marathi news)

मधमाशांच्या हल्ल्याची माहिती समजताच स्थानिक ग्रामस्थ आणि आमदार शिवेंद्रराजे भोसले ट्रेकर्सचे (shivendraraje bhosale trekkers) कार्यकर्ते घटनास्थळी दाखल झाले. त्यांनी मुलाला दरीतून बाहेर काढण्यासाठी प्रयत्न सुरू केले. त्यास दरीतून बाहेर काढले मात्र त्यापुर्वीच त्याचा मृत्यू झाला हाेता.

सोमेश्वर विलास कदम असे मुलाचे नाव असून ताे मामाच्या गावाला आला होता. डोंगरावर गुराख्यां बरोबर गुरे चरायला गेला असताना त्याच्यावर मधमाश्यांनी हल्ला केला. त्यामुळे ताे डोंगराच्या कड्यावरून खाली कोसळला त्यात त्याचा मृत्यू झाला. या घटनेत अन्य एक मुलगा जखमी असून त्याच्यावर उपचार सुरू आहेत.

Edited By : Siddharth Latkar