Hingoli News : वाळू, मुरूम अवैध वाहतूक करणारी १६ वाहने पकडली; हिंगोलीत मोठी कारवाई

हिंगोली : अवैध वाळू तसेच मुरुमची वाहतूक केली जाते. पोलीस प्रशासनाकडून अनेकदा कारवाई केली जात असताना देखील चोरून हि वाहतूक केली जात असते. (Hingoli) हिंगोलीमध्ये मोठ्या प्रमाणात उत्खनन सुरु असून हिंगोली प्रशासनाकडून कारवाई करत १६ वाहने जप्त केली आहेत. (Live Marathi News)

अवैध वाळू (Sand) व मुरूम वाहतूक केली जात असल्याने हिंगोलीत भाजपचे आमदार तानाजी मुटकुळे यांनी जिल्हाधिकाऱ्यांच्या कक्षात अवैध व्यवसाय व अवैध रेती उत्खनन करणाऱ्या विरोधात कार्यवाही करण्यासाठी उपोषण केले होते. यानंतर आता जिल्हा प्रशासन सतर्क झाले असून हिंगोलीचे उपविभागीय अधिकारी उमाकांत पारधी यांनी मागील बारा तासात १६ वाहने पकडून कार्यवाही केली आहे. यामुळे वाळू वाहतूक करणाऱ्यांचे धाबे दणाणले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

३० लाखाचा दंड 

हिंगोली जिल्हा प्रशासनाने केलेल्या कारवाईत अवैध रेती व मुरूम वाहतूक करणाऱ्या वाहनांचा समावेश आहे. या सर्व वाहन धारकांना तीस लाखांपेक्षा अधिक दंडाची रक्कम ठोठावण्यात आला आहे. हा दंड ठोठावून वाहने जप्त केली आहेत.