मुंबई - दहावी-बारावीचे विद्यार्थ्यांना आंदोलनासाठी (Student Protest ) भडकवल्या प्रकरणी हिंदुस्थानी भाऊवर मोठी कारवाई करत मुंबई पोलिसांनी त्याला अटक केली होती. ‘हिंदुस्थानी भाऊ’चे (Hindustani Bhau) खरे नाव विकास पाठक आहे. या घटनेप्रकरणी आता हिंदुस्थानी भाऊंना चार दिवसांची पोलीस कोठडी (Police Custody) सुनावण्यात आली आहे.
हे देखील पहा -
सोमवारी राज्यभरात दहावी-बारावीच्या परिक्षा ऑनलाईन घेण्यात याव्या, या मागणीसाठी लाखो विद्यार्थी रस्त्यावर उतरले होते. या प्रकरणी धारावी पोलीस ठाण्यात गुन्हा नोंद झाल्यानंतर विकास पाठक आणि इकरार खान वखार खान यांची चौकशी करण्यात आली. त्यानंतर दोघांना धारावी पोलिसांनी अटक केली होती.
काल म्हणजेच सोमवारी मुंबईतील धारावीमध्ये अनेक विद्यार्थ्यांनी निदर्शने केली होती. कोरोनाच्या संकटात 10वी आणि 12वीच्या परीक्षा ऑनलाइन कराव्यात, अशी या विद्यार्थ्यांची मागणी आहे. ऑफलाइन परीक्षा घेण्यास विद्यार्थयांचा विरोध आहे. दरम्यान, आता विकास पाठक याला न्यायालयात हजर केले असता, न्यायालयाने त्याला चार दिवसांची पोलीस कोठडी सुनावली आहे.
Edited By - Shivani Tichkule
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.