Hanuman Jayanti 2024 : अंजनीपुत्र हनुमान की जय..., शेकडाे भाविकांच्या घोषणांनी दुमदुमली अंजनेरी

Anjaneri News :

रामभक्त हनुमानाचं जन्मस्थान असलेल्या नाशिकजवळच्या अंजनेरीमध्ये हनुमान जयंतीचा उत्साह दिसून येत आहे. अंजनेरी पर्वताच्या पायथ्याशी असलेल्या सिद्धहनुमान मंदिरात पहाटेपासूनच भाविकांची मारूतीरायाच्या दर्शनसाठी गर्दी झाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रामनवमीपासूनच इथे उत्सवाच्या तयारीला सुरुवात होते. आज हनुमान जयंतीनिमित्त मंदिराला आकर्षक फुलांची सजावट करण्यात आली आहे. हनुमानाच्या मुर्तीला महावस्त्र परिधान करण्यात आले आहे.

पहाटे वाजत गाजत मिरवणूक काढण्यात येऊन ६ वाजून १५ मिनिटांनी हनुमानाचा जन्म सोहळा इथे पार पडला. त्यानंतर मंदीर भाविकांना दर्शनासाठी खुलं करण्यात आलं. जय हनुमान, रामभक्त हनुमानकी जयच्या जयघोषाने पहाटेपासून मंदिर परिसर दुमदुमुन गेला आहे. (Maharashtra News)

अंजनेरी प्रमाणेच राज्यातील सर्वच हनुमान मंदिरात आज पहाटेपासून भाविकांची मारुतरायांच्या दर्शनासाठी गर्दी दिसून येत आहे. ठिकठिकाणी हनुमान चालिसाचे पठण करण्यात येत आहे.

Edited By : Siddharth Latkar