राज्यपाल भगतसिंग कोश्यारी यांचा हिंगोली दौरा

संदीप नागरे

हिंगोली : महाराष्ट्राचे राज्यपाल भगतसिंग कोश्यारी हे मराठवाड्याच्या दौर्‍यावर आहेत, आज सकाळी राज्यपाल हे नांदेडमधून हिंगोली जिल्ह्यात दाखल झाले. कोश्यारी यांनी शासकीय विश्रामग्रह हिंगोली येथील सभागृहात जिल्ह्यातील प्रमुख अधिकाऱ्यांची बैठक घेतली आहे.

हे देखील पहा -

या बैठकीत आदिवासी भाग असलेल्या कळमनुरी तालुक्यातील अनेक कामांचा आढावा त्यांनी घेतला. सोबतच हिंगोली जिल्ह्यातील सिंचनाच्या प्रश्नावर देखील, अधिकाऱ्यांसोबत चर्चा केली. बैठकीनंतर राज्यपालांनी प्रसार माध्यमांशी सवांद साधला.

आपण मराठवाड्याच्या दौर्‍यावर विविध विषयांची माहिती घेण्याकरिता आलो असून, संविधानात राज्यपाल यांना अशी माहिती घेण्यासाठी अधिकार असल्याचे राज्यपाल यांनी सांगितले. मराठवाड्यात प्रामुख्याने आदिवासी भागात सुरू असलेली विकासकामे, त्यासोबतच सिंचनाची सुद्धा अनेक कामे सुरू आहेत. या भागात अनेक समस्या असून, या सर्व समस्या राज्य शासन व केंद्र शासनाकडे पाठविणार असल्याचे यावेळी त्यांनी सांगितले.

Edited By : Krushnarav Sathe