Government Jobs : राज्य सरकारचा मोठा निर्णय! नोकरभरतीच्या कमाल वयोमर्यादेत वाढ

>> सुशांत सावंत

Government Jobs : सरकारी नोकर भरतीची तयारी करणाऱ्या तरुणांसाठी महत्त्वाची बातमी आहे. राज्य सरकारने शासनाच्या विविध विभागात भरती प्रक्रियेतून जाणाऱ्या उमेदवारांसाठी कमाल वयोमर्यादा दोन वर्ष वाढवून दिली आहे.

सामान्य प्रशासन विभागाने यासंदर्भातील परिपत्रक आज जारी केले आहे. वयोमर्यादेतील ही सूट 31 डिसेंबर 2023 पर्यंत लागू राहणार आहे. स्वातंत्र्याचा अमृत महोत्सव या निमित्ताने राज्य शासनातील विविध विभागात 75000 नोकर भरतीची घोषणा सरकारने केली होती. त्या नोकरभरतीच्या प्रक्रियेत हा अतिशय महत्त्वाचा ठरणार आहे. (Latest Marathi News)

सरकारच्या या निर्णयामुळे खुल्या प्रवर्गाची कमाल वयोमर्यादा आता 38 एवजी 40 वर्ष होईल आणि मागास प्रवर्गासाठी कमाल वयोमर्यादा 43 ऐवजी 45 वर्षे होणार आहे. ही वयोमर्यादेतील सूट 31 डिसेंबर 2023 पर्यंत लागू राहील असे शासन निर्णयात म्हटले आहे. (Latest Political News)