Gondia : वाहतुकीचे नियम पाळा! 80 दिवसांत 7 हजार वाहनधारकांवर गाेंदिया पाेलिसांची कारवाई, 35 लाखांचा दंड वसूल

- शुभम देशमुख

Gondia :

गाेंदिया जिल्ह्यात विना हेल्मेट प्रवास करण्या-यांवर आणि वाहतुकीच्या नियमांची पायमल्ला करणा-यांवर गोंदिया पाेलिसांची (gondia police) करडी नजर आहे. गाेंदिया वाहतूक पोलिसांनी 80 दिवसांत 7 हजार जणांवर कारवाई करीत 35 लाखांचा दंड वसूल केले आहे. (Maharashtra News)

गोंदिया जिल्ह्यात वाहतुकी संदर्भात अनेकवेळा जागृती करण्यात आली आहे. यामध्ये हेल्मेटचा वापर करणे, चारचाकी वाहन चालकांनी सीटबेल्टचा वापर करावा यासाठी प्रयत्न केले गेले. परंतु अद्यापही गोंदिया जिल्ह्यातील नागरीक हेल्मेट आणि सीटबेलट बाबत तितके गंभीर नसल्याचे समाेर आले आहे.

गोंदिया जिल्हा वाहतूक पोलिसांनी विना हेल्मेट वाहन चालवणे, सीट बेल्ट न लावणे, फॅन्सी नंबर प्लेट, बुलेटच्या सायलेन्समध्ये बदल करणे या प्रकारांवर कारवाई केली. पाेलिसांनी जानेवारी ते मार्च या कालावधीत सुमारे 7 हजार वाहनांवर कारवाई करीत 35 लाख रुपयांचा दंड वसूल केला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांच्या फक्त कारवाई करणे हा हेतू नसून जनसामान्यांमध्ये जनजागृती होऊन त्यांनी हेल्मेटचा आणि सीटबेल्ट चा वापर करावा आणि वाहतूक नियमांचे पालन करावे असे वाहतूक पोलिस निरीक्षक किशोर पर्वते यांनी साम टीव्हीशी बाेलताना सांगितले.

Edited By : Siddharth Latkar