गोंदिया : गोंदियातून चोरी केलेली दुचाकी ओएलएक्स मोबाइल ॲपच्या माध्यमातून जाहिरात देऊन विक्री करण्याचा प्रयत्न केला. त्यांचा हा प्रयत्न फसला असून विक्री करणाऱ्या दोन आरोपींना (Gondia) गोंदिया जिल्हाच्या रामनगर पोलिसांनी अटक केली आहे. (Tajya Batmya)
गोंदिया तालुक्यातील दत्तोरा कृष्णा यादवराव गायधने यांची मोटरसायकल ही टीबी टोली ग्राउंडमधून ३० जानेवारीला चोरीला गेली होती. या घटनेसंदर्भात रामनगर पोलिसात गुन्हा दाखल केला होता. यानंतर पोलिसांकडून (Police) तपास सुरू होता. परंतु, चोरटे हातात लागत नव्हते. या दरम्यान चोरट्यांनी गाडी विक्रीसाठी मोबाईल ॲपवर गाडीचा फोटो लोड केला अन् येथेच त्यांचा प्रयत्न फसला.
मध्यप्रदेशातून चोरटे ताब्यात
आरोपीला मध्यप्रदेश येथील बालाघाट जिल्ह्याच्या वाराशिवणी येथून एक आरोपी गोपेंद्र बघेल याला अटक केली. त्याच्या कडून माहिती घेऊन दुसरा आरोपी दिपकनाथ परिहार (रा. बरघट शिवणी मध्यप्रदेश) यालाही अटक करुन त्याच्या जवळून मोटरसायकलही हस्तगत करण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.