Gold Rate Today: सोन्याला चकाकी! सोन्याच्या दरात ३०००० रुपयांची वाढ, आजचे 18K- 22K आणि 24K चे दर किती?

• सोनं-चांदीच्या दरात आज मोठी वाढ

• २४ कॅरेटच्या १० तोळा सोन्याच्या दरात ३० हजारांची वाढ

• १ किलो चांदी ३ ते ५ हजार रुपयांनी महागली

• अमेरिका-इराण तणावाचा बाजारावर परिणाम

संजय महाजन, जळगाव

सोनं- चांदी खरेदी करणाऱ्यांसाठी महत्वाची बातमी आहे. गेल्या काही दिवसांपासून सोनं-चांदीच्या दरामध्ये चढ-उतार पाहायला मिळत आहे. आज सोनं-चांदीचे दर कमी नाही तर वाढले आहेत. जळगावचे सराफा बाजार उघडताच सोनं-चांदीच्या दरात आज मोठा बदल पाहायला मिळाला. २४ कॅरेटच्या १० तोळा सोन्याच्या दरामध्ये आज ३०००० रुपयांची वाढ झाली आहे. तर १ किलो चांदी देखील ३००० रुपयांनी वाढली आहे.

मिळालेल्या माहितीनुसार, अमेरिका -इराण यांच्याताल तणाव वाढल्याने सोनं- चांदीच्या दरात सतत बदल होत आहेत. आज जळगावच्या सराफा बाजारामध्ये २४ कॅरेटच्या १ तोळा सोन्याच्या दरामध्ये ३ हजार रुपयांची वाढ झाली आहे. सोन्याचे दर १ लाख ५५ हजार रुपयांवर पोहचले आहेत. तर २४ कॅरेटच्या १० तोळा सोन्याचे दर १५,५०,०० रुपयांवर पोहचले आहे.

सोन्यापाठोपाठ आज चांदीच्या दरात देखील मोठी वाढ झाली आहे. १ किलो चांदी ३००० रुपयांनी वाढली आहे. चांदीचे दर २ लाख ६६ हजारांवर पोहचले आहेत. अमेरिका- इराण यांच्यात पुन्हा तणाव निर्माण झाल्याने सोनं- चांदीच्या दरात वाढ झाली आहे. सोनं- चांदीचे दर ३००० रुपयांनी वाढ झाल्यामुळे ग्राहकांमध्ये नाराजी पाहायाला मिळत आहे. आज सराफा बाजाराकडे ग्राहकांची गर्दी कमी आहे.

दरम्यान, गुड रिटर्न्सने दिलेल्या माहितीनुसार, आज सोनं-चांदीच्या दरात मोठी वाढ झाली आहे. २४ कॅरेटच्या १ तोळा सोन्याच्या दरामध्ये १५८० रुपयांची वाढ झाली आहे. हे सोनं १,५७,६४० रुपयांना विकले जात आहे. तर २२ कॅरेटच्या १ तोळा सोन्याच्या दरामध्ये १४५० रुपयांची वाढ झाली असून ते १,४४,५०० रुपयांना विकले जात आहे. तर १८ कॅरेटच्या सोन्याच्या दरामध्ये ११९० रुपयांची वाढ झाली असून हे सोनं १,१८,२३० रुपयांना विकले जात आहे. तर आज १ किलो चांदीच्या दरामध्ये ५००० रुपयांची वाढ झाली असून ती २,८०,००० रुपयांना विकली जात आहे.