Gokul Milk Price |गोकुळ दूध खरेदी दरात पुन्हा वाढ! शेतकऱ्यांना दिलासा, किती रुपयांनी महागलं दूध?

कोल्हापूर: कोल्हापुरातील गोकुळ दूध संघाने दूध खरेदी दरात पुन्हा एकदा वाढ केली आहे. या दरवाढीचा फायदा दूध (Milk) उत्पादक शेतकऱ्यांना होणार आहे. गायीच्या दूध खरेदीमध्ये गोकुळने एक रुपयाची वाढ केली आहे, तर ही दरवाढ ११ सप्टेंबरपासून लागू होणार आहे.(Gokul Milk Price)

गोकुळ दूध संघातील संचालक मंडळाची गुरुवारी बैठक झाली. या बैठकीत ही दरवाढ करण्याचा निर्णय झाला. याअगोदर दूध (Milk) दरवाढ झाली होती, त्यावेळी, जनावरांसाठी वापरल्या जाणाऱ्या चाऱ्याच्या दरांमध्ये वाढ झाल्यामुळे दुधाचे दर वाढवण्यात आले असल्याचे सांगितले होते. ही दरवाढ ऑगस्टमध्ये करण्यात आली होती.

हे देखील पाहा

या अगोदर अमुलने १८ ऑगस्ट रोजी दरवाढ केली होती. डिझेल, पॅकिंगचा कच्चा माल आणि विजेच्या दरवाढीमुळे अमूलने दुधाच्या दरात वाढ केली होती असल्याचं सांगितले होते. म्हैस आणि गाईच्या दुधाच्या विक्री दरात प्रतिलिटरला सरसकट २ रुपये वाढ करण्यात आली होती.