'मतदारांचा डेटा द्या, पास करतो'; कोल्हापूरात प्रचारासाठी विद्यार्थ्यांचा गैरवापर (पहा Video)

कोल्हापूर : कॉलेजचे विद्यार्थी वापरून मतदारांचा डेटा गोळा केला जात असून त्या बदल्यात विद्यार्थ्यांना पास करण्याचे आश्वासन आणि पेटीएमद्वारे पैसे पुरवले जात असल्याचा गंभीर आरोप भाजपा प्रदेशाध्यक्ष चंद्रकांत पाटील (Chandrakant Patil) यांनी महाविकास आघाडीच्या नेत्यांवरती केले असून या प्रकरणाकडे निवडणूक विभागाने लक्ष द्यावे अशी सूचना देखील त्यांनी केली आहे. ते आज कोल्हापूर येथे पत्रकार परिषदेत बोलत होते.

ते पुढं म्हणाले, कोल्हापूर निवडणुकीत माझ्या न बोललेल्या क्लिपा तयार करून संभ्रम तयार केला जात आहेत याबाबतची तक्रार मी सायबरकडे केली असल्याचंही पाटील यांनी सागितलं.

सध्या कोल्हापूर उत्तर विधानसभा पोटनिवडणुकीसाठी (Kolhapur North Assembly by-election) प्रचाराची रणधुमाळी सुरु असून भाजप (BJP) विरुद्ध महाविकास आघाडी असा सामना कोल्हापूरात रंगला आहे आणि याच वेळी विरोधी पक्षांकडून मतदारांचा डेटा गोळा करण्यासाठी कॉलेजच्या विद्यार्थ्यांचा वापर केला जात आहे आणि या बदल्यात त्यांना पास करण्याचं आश्वासन आणि पैसे देखील पेटीएम द्वारे दिले जात असल्याचा गंभीर आरोप चंद्रकांत पाटील यांनी केला आहे.

Edited By - jagdish Patil