वृध्देचा खून करून दागिने पळविणारी अट्टल गुन्हेगारांची टोळी जेरबंद

सांगली : सांगलीच्या तासगाव तालुक्यातील धामणी येथे एका वृध्द महिलेचा खून करून चोरी केल्या प्रकरणी तासगाव पोलीसांना अट्टल गुन्हेगारांची टोळी जेरबंद करण्यात यश आले आहे. यातील काही गुन्हेगारांवर ४० पेक्षा जास्त गुन्हे दाखल आहेत. अशी माहिती सांगली जिल्हा पोलीस अधीक्षक दिक्षीत गेडाम यांनी पत्रकार परिषदेत दिली. सुनिल विठ्ठल तडसरे, जिवन ऊर्फ बंटी नामदेव कांबळे व रविंद्र जगन्नाथ सुर्वे अशी अटक करण्यात आलेल्या आरोपींची नावे आहेत.

हे देखील पहा -

तासगाव तालुक्यातील धामणी येथे २७ जुलै रोजी शहाजी पांडुरंग पाटील यांच्या घरी एका वृध्देचा खून करून चोरी झाल्याची घटना घडली होती. याबाबतची फिर्याद सुभाष पांडुरंग पाटील यांनी तासगाव पोलीसात दिली होती. धामणी गावातील शहाजी पांडुरंग पाटील यांचा मोहिते मळा याठिकाणी दोन वर्षापुर्वी बांधलेला अलिशान बंगला असुन सदर ठिकाणी वयोवृध्द आजी श्रीमती शालुबाई पांडुरंग पाटील (वय ८०)  धामणी या एकट्याच राहत होत्या. त्यांची दोन मुले गलाई व्यवसायानिमित्त तुतीकेरीन तमिळनाडू याठिकाणी असतात.

वयोवृद्ध आजी या नेहमी त्यांच्या अंगावर अंदाजे १०-१५ तोळे सोन्याचे दागिने परीधान करुन वावरत होत्या. हाच फायदा घेऊन आरोपींनी चोरी केली होती. पोलिसांनी सखोल तपास करत या टोळीला पकडण्यात यश मिळवले आहे.

Edited By : Krushnarav Sathe