Ganesh Festival 2023 : गणा धाव रे... परभणीत गणेशमूर्ती विक्रेते संकटात

ganeshotsav 2023 : काही ग्राहकांनी माेठ्या मूर्तींची किंमत वाढल्याने छाेटी मूर्ती घेत बाप्पांची प्रतिष्ठापना करणार असल्याचे नमूद केले.
Parbhani, ganeshotsav 2023
Parbhani, ganeshotsav 2023saam tv

Parbhani Ganpati Utsav : एकीकडे दुष्काळाचे सावट तर दूसरीकडे मागणीपेक्षा गणेशमूर्तींची विक्रीसाठी आलेली बहुसंख्या यामुळे परभणी येथे गणेश मूर्तीकार आणि विक्रेते यांच्यावर आर्थिक संकट आले आहे. अनेकांच्या गणेशमूर्ती विक्रीविना राहिल्या आहेत. त्यामुळे माेठी गुंतवणुक करुनही ताेटा हाेत असल्याचे विक्रेत्यांचे म्हणणे आहे. (Maharashtra News)

Parbhani, ganeshotsav 2023
Kanda Lilav : उद्यापासून कांदा लिलाव बेमुदत बंद : व्यापा-यांचा निर्णय

यंदा मराठवाड्यासह परभणी जिल्हात गणराया आगमनाबराेबरच दुष्काळाचे गडद सावट दिसत आहे. पावसाळ्याचे तीन महिने झाले पण पाऊस नाही. त्यामुळे जिल्हावर दुष्काळी परिस्थिती आली आहे. यामुळे उत्सवातील उत्साह कमी प्रमाणात दिसून येत आहे.

Parbhani, ganeshotsav 2023
Pandharpur News : ऊसाची झोनबंदी उठवा, अन्यथा धूराडी पेटू देणार नाही : रयत क्रांती संघटना

परभणीच्या बाजारात यंदा मोठ्या प्रमाणात लहान मोठ्या गणेशाच्या मूर्ती विक्रीसाठी आल्या आहेत. पाऊस नसल्याने व मूर्तींच्या किंमतीत 25 ते 30 टक्यांनी भाववाढ झाल्याने ग्राहकांची माेठ्या गणेशमूर्ती खरेदी करण्याकडे फारसा कल दिसत नाही. परिणामी मूर्ती विक्रेत्यांची चिंता वाढली आहे. मागच्या कोरोना काळात मूर्ती सांभाळण्याची वेळ आली होती तर ह्या वर्षी दुष्काळामुळे मूर्तींना म्हणावी तशी मागणी नसल्याचे विक्रेत्यांनी साम टीव्हीशी बाेलताना सांगितले.

काही ग्राहकांनी आणि मंडळांच्या कार्यकर्त्यांनी माेठ्या मूर्तींची किंमत वाढल्याने छाेटी मूर्ती घेत बाप्पांची प्रतिष्ठापना करणार असल्याचे नमूद केले.

Edited By : Siddharth Latkar

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com