Gadchiroli Scam : गडचिरोलीत ६ कोटींचा धान घोटाळा; दोघांना अटक

मंगेश भांडेकर 
गडचिरोली : आदिवासी विकास महामंडळाच्यावतीने खरेदी करण्यात येणाऱ्या धान खरेदीत ६ कोटी रुपयांचा घोटाळा केल्याचे उघडकीस आले आहे. या प्रकरणी आता गडचिरोली स्थानिक गुन्हे शाखेच्या पोलिसांनी महामंडळाचे गडचिरोली येथील तत्कालिन प्रादेशिक व्यवस्थापक गजानन कोटलावार यांच्यासह महामंडळाच्या तत्कालिन कनिष्ठ सहायकास अटक केली आहे. 

गडचिरोली (Gadchiroli) येथे आदिवासी विकास महामंडळाच्या वतीने झालेल्या खरेदीत धान आणि बारदाण्याचा अपहार ६ कोटी २ लाख ९३ हजार ८४५ रुपये किमतीचा असल्याचे चौकशीअंती निष्पन्न झाले होते. याप्रकरणी व्यवस्थापक गजानन कोटलावार यांना ८ ऑगस्ट २०२३ रोजी निलंबित करण्यात आले होते. आता या प्रकरणात कोटवालकर यांच्यासह आणखी एका जणास अटक करण्यात आली आहे.

१० जूनपर्यंत पोलीस कोठडी 

पोलिसांनी (Police) दोघांनाही न्यायालयात हजर केले असता न्यायालयाने दोघांनाही १० दिवसांची पोलीस कोठडी सुनावली आहे. गजानन रमेश कोटलावार व व्यंकटी अंकलू बुर्ले अशी अटकेतील आरोपींची नावे आहेत. यात कोटवालकर हा प्रादेशिक व्यवस्थापक तर व्यंकटी बुर्ले हा मार्कंडा (कं) येथील खरेदी केंद्राचा केंद्रप्रमुख आणि कनिष्ठ सहायक होता.