नागपूर - सध्या इंधन Fuel दरवाढीचा फटका सर्वांनाच बसत आहे. इंधन दरवाढ सर्वांच्या आवाक्याबाहेर गेली आहे. नागपूर महापालिकेत Nagpur Municipal Corporation सत्तेत असलेल्या भाजपला BJP देखील याची झळ सोसावी लागत आहे. यावर तोडगा म्हणून त्यांनी नागपूर महानगरपालिकेतील अधिकाऱ्यांच्या सर्व कार आता सीएनजीवर CNG करण्याचा निर्णय घेतला आहे.
हे देखील पहा -
पेट्रोल आणि डिझेल दरवाढ सर्वसामान्यांच्या आवाक्याबाहेर गेली आहे. दरवाढीमुळे अनेकांना कार आणि दुचाकी बाहेर काढणे परवडत नाही. जशी सर्वसामान्यांना याची झळ बसते आहे. तशी सरकारी आणि निमसरकारी कार्यालयांनाही याचा फटका बसत आहे. त्यामुळे नागपूर महापालिकेचे आर्थिक उत्पन्न घटले आहे. त्यात मोठा खर्च अधिकारी आणि पदाधिकाऱ्यांच्या गाड्यांवर होत आहे.
त्यामुळे या गाड्यांच्या इंधनाचा खर्च महापालिकेला परवडत नाही. त्यामुळे महापालिकेतील अधिकारी आणि पदाधिकाऱ्यांच्या गाड्या आता सीएनजी वर चालविण्याचा निर्णय परिवहन विभागाने घेतला आहे. याची सुरुवात स्वतः महानगरपालिकेचे परिवहन सभापती बंटी कुकडे यांनी करत स्वतःची कार त्यांनी सीएनजीवर केली आहे. या निर्णयामुळे प्रदूषण कमी होण्यास देखील मदत होईल. मात्र, या इंधन वाढीची झळ सर्वांनाच सोसावी लागत असून आतातरी केंद्र सरकारने दरवाढ कमी करून दिलासा देण्याची गरज आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
