मित्रानेच केला मित्राचा विश्वासघात! बनावट नोटांची रक्कम देऊन केली 4 लाखांची फसवणूक

मंगेश मोहिते

नागपूर : नागपूरच्या हुडकेश्वर पोलीस हद्दीमध्ये लहान मुलांच्या खेळातील मनोरंजन बँकच्या नोटा देऊन साडेचार लाखांची फसवणूक करणाऱ्या ठगबाजाला नागपुर पोलिसांनी गजाआड केले आहे. विनोद पाटील असे अटकेतील ठगबाजाचे नाव आहे. प्रवीण मल्लेवार असे तक्रारदाराचे नाव आहे. फिर्यादी प्रवीण मल्लेवार यांनी प्लॉट घेण्यासाठी साडेचार लाख रुपये जमा केले होते. Fraud of Rs 4 lakh by paying counterfeit notes

हे देखील पहा-

फिर्यादी आणि आरोपी दोघे मित्र असून ते मूळचे गोंदिया येथील तिरोडा गावातील रहिवासी आहेत. फिर्यादीने प्लॉट घेण्यासाठी गोळा केलेले चार लाख रुपये आपल्या आरोपी मित्राकडे ठेवायला दिले होते आणि २ दिवसानंतर तो जेव्हा पैसे मागायला गेला, तेव्हा त्याला लाल कपड्यामध्ये गुंडाळून त्यांनी पैसे दिले आरोपी ने पैसे एका बॅगमध्ये घेवून आला व ती पैशाची बॅग फिर्यादी यांच्या घरी अलमारीत ठेवली.

फिर्यादीला त्या नोटावर संशय़ आल्याने त्यांनी ती बॅग तपासले असता त्यांना धक्काच बसला .त्यामध्ये बनवाट नोटा होते. त्या लहान मुलांच्या मनोरंजन बँक या खेळातील नोटा होते. आपली फसवणूक झाल्याचे लक्षात आल्यानंतर प्रवीणने हुडकेश्वर पोलिसात धाव घेतली आहे. त्यानंतर पोलिसांनी आरोपी विनोद पाटील याला अटक करण्यात आली आहे.

Edited By- Digambar Jadhav