Washim Accident News : सावंगी फाटानजीक कार ऑटोचा अपघात, चार प्रवासी जखमी

- मनोज जयस्वाल

Washim :

वाशिम जिल्ह्यातील कारंजा - दारव्हा मार्गावरील सावंगी फाट्याजवळ आज (शनिवार) प्रवासी ऑटो व कारची समोरासमोर धडक झाली. या अपघातात ऑटोमधील चार जण जखमी झाले आहेत. त्यांना उपचारार्थ रुग्णालयात नेण्यात आले आहे. (Maharashtra News)

या अपघाताबाबत मिळालेली माहिती अशी - कारंजाहुन धामणगाव देव येथे जवळपास ७ ते ८ प्रवासी घेऊन प्रवासी ऑटो निघाली हाेती. त्याचवेळी या मार्गावर समोरून येणाऱ्या कारची व प्रवासी ऑटोची धडक झाली.

या घटनेत दोन्ही वाहनांचे मोठ्या प्रमाणात नुकसान झाले आहे. कारंजा येथील रुग्णसेवक रमेश देशमुख यांनी अपघाताची माहिती देताच रुग्णवाहिका चालकाने घटनास्थळी धाव घेऊन जखमींना बोदेगाव व लोही येथील सरकारी दवाखान्यात उपचारासाठी दाखल केले. पाेलिस अपघाताचा तपास करीत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar