बंदी उठल्यानंतर जालना जिल्ह्यात पहिली बैलगाडी शर्यत सुरु

जालना : बैलगाडी शर्यतीवर बंदी उठल्या नंतर आज जालना जिल्ह्यातील भोकरदन तालुक्यातील तळेगाव वाडी या ठिकाणी शंकर पोटाचे आयोजन करण्यात आले, यामध्ये मोठ्या प्रमाणात पंचकृषितील शेतकरी आणि नागरिकांनी मोठ्या उत्सात सहभाग नोंदविला होता. भाजपा आमदार नारायण कुचे यांच्या हस्ते या शंकर पोटाचे उदघाटन करण्यात आले. बैलगाडी शर्यतीच्या (Bullock Cart Race) बंदी नंतर गेल्या अनेक दिवसांपासून या शर्यतीवर बंदी घालण्यात आली होती. तेव्हा पासून ही शर्यत बंद होती. आयोजकांनी बंदी उठल्या नंतर या शर्यतीसाठी जिल्हाधिकारी यांची परवानगी मिळावी अर्ज ही केला होता, या शर्यतीचा जीआर आल्यानंतर शर्यतीसाठी परवानगी देण्यात आल्या नंतर आज पासून या शर्यतीस सुरवात करण्यात आली आहे.

आमदार नारायण कुचे यांच्या हस्ते उद्घाटन झाल्या नंतर आज पासून या शर्यतीस सुरवात झाली आहे, ही शर्यत पाहण्यासाठी परिसरातील नागरिकांनी आणि शेतकऱ्यांनी ही शर्यत पाहण्यासाठी मोठ्या उत्साहाने सहभागी झाले आहेत. या शर्यतीत जालना जिल्ह्यासह मराठवाड्यातील अनेक जिल्ह्यातील शर्यतकर्त्यांनी सहभाग नोंदवला आहे. दोन दिवस चालणाऱ्या शर्यतीमुळे परिसरातील शेतकरी वर्गात आनंदाचे वातावरण पाहण्यास मिळाले आहे.

Edited By: Pravin Dhamale