गोंदियातील सामाजिक कार्यकर्त्यावर अज्ञाताकडून गोळीबार!

गोंदिया : गोंदिया शहरातील सामाजिक कार्यकर्ते धनेंद्र भुरले यांच्यावर अज्ञात आरोपीने गोळीबार केला असून त्यांच्यावर गोंदिया जिल्हा सामान्य रुग्णालयात उपचार सुरु आहेत. गोंदिया (Gondia) शहरापासून तीन किलोमीटर अंतरावर असलेल्या धनेंद्र भुरले यांच्या शेतात अनाथालयाचे बांधकाम सुरु असून भुरले या बांधकामाची पाहणी करण्यासाठी गेले होते.

हे देखील पहा :

दरम्यान, संध्याकाळी 7 वाजण्याच्या सुमारास एका अज्ञात व्यक्तीने त्यांना फोन करून तुम्ही कुठे आहात अशी विचारणा केली. भुरले यांनी मी शेतावरून घरी परत येत आहे अशी माहिती संबंधितास फोन वरून दिली. त्यांनतर ते घराकडे निघाले.

गोंदिया शहराला लागून असलेल्या कटंगी गावाजवळ येताच अज्ञात आरोपीने त्यांना दुचाकीवरून (Bike) येत रस्त्यात अडवले व त्यांच्यावर गोळीबार केला. छऱ्याच्या बंदुकीतून (Pistol) करण्यात आलेल्या या गोळीबारात (Firing) भुरले यांच्या चेहऱ्यावर गंभीर इजा झाली असून त्यांच्यावर जिल्हा रुग्णालयात उपचार सुरु आहे. सध्या त्यांची प्रकृती स्थिर असून राम नगर पोलिस घटनेचा तपास करीत आहेत.

Edited By : Krushnarav Sathe