Nanded Fire : नांदेड (Nanded) शहरात एका इलेक्ट्रिक बाईकच्या शोरुमला माेठी आग लागली. या आगीत सुमारे तीस लाख रुपये किंमतीच्या पंचवीस बाईक जळून खाक झाल्या आहेत. ही आग विझविण्यासाठी अग्निशमक दल तात्काळ पाेहचले. शाॅर्टसर्कीटमुळे लागल्याचा प्राथमिक अंदाज व्यक्त केला जात आहे. (Nanded Breaking News)
नांदेड शहरातील अण्णा भाऊ साठे चौकात असलेल्या नंदीग्राम इलेक्ट्रीक बाईकच्या शोरुमला सकाळी आग लागली. याच शोरुमच्या वरच्या मजल्यावर एक रुग्णालय देखील आहे. शाेरुममधील आगीचे झळ पाेहचण्यापुर्वी या रुग्णालयातील रुग्णांना नागरिकांच्या मदतीने व्यवस्थापनाने इतरत्र हरविलं.
दरम्यान आग (fire) लागल्याचे समजताच फायर ब्रिगेड तात्काळ पाेहचले. फायर ब्रिगेडच्या पथकानं आग विझविण्यासाठी शर्थीचे प्रयत्न केले. परंतु आगीने राैद्र रुप धारण केले हाेते. या आगीत शाेरुमधील सर्व बाईक जळून खाक झाल्या. केवळ सांगाडा शिल्लक हाेता. या आगीत सुमारे तीस लाख रुपयांचे नुकसान झाल्याचा प्राथमिक अंदाज वर्तविला जात आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
