काँग्रेसचे प्रदेश सरचिटणीस गणेश गायकवाड यांच्या विरोधात गुन्हा दाखल

गोपाल मोटघरे

पुणे: जागा बळकावल्या प्रकरणी महाराष्ट्र प्रदेश युवक काँग्रेसचे सरचिटणीस गणेश गायकवाड यांच्या विरुद्ध पुन्हा दुसरा गुन्हा दाखल करण्यात आला आहे. पिंपरी-चिंचवडच्या सांगवी पोलिस स्टेशनमध्ये गणेश गायकवाड यांच्या विरुद्ध गुन्हा दाखल करण्यात आला आहे. काही दिवसांपूर्वी नाना पटोले यांच्या हस्ते गणेश गायकवडचा काँग्रेसमध्ये प्रवेश झाला होता. मात्र पिंपळे निलख येथील जमीन मालक अजिंक्य काळभोर यांची जमीन बळकावने, गोळ्या घालून ठार मारण्याची धमकी देणे अशा स्वरूपाचा गुन्हा गणेश नानासाहेब गायकवाड, त्याचे वडील नानासाहेब शंकर गायकवाड, गणेश साठे आणि त्याच्या दोन-तीन इतर साथीदारा विरोधात दाखल करण्यात आला आहे.

काही दिवसांपूर्वी हिंजवडी पोलिस स्टेशन मध्ये देखिल गणेश गायकवाड विरोधात गुन्हा दाखल करण्यात आला होता. बांधकाम व्यावसायिक विजय वसंत कुलकर्णी यांच्या ट्रीनीटी रिऍलिटी फर्मची ६० गुंठे जागेत बेकायदेशीर रित्या पत्र्याचे आणि तारेचे कुंपण करून जागा बळकावल्या प्रकरणी गणेश गायकवाड विरुद्ध हिंजवडी पोलीस स्टेशन मध्ये गुन्हे दाखल करण्यात आल आहे. गुन्हा दाखल होताच गणेश गायकवाड फरार झाला आहे. हिंजवडी पोलिस आणि सांगवी पोलिस गणेश गायकवाड याला अटक करण्यासाठी शोध घेत आहेत.