सोलापूर: पोटच्या मुलीवर अनैसर्गिक अत्याचार करणाऱ्या बापासह आईला फाशीची शिक्षा

सोलापूर : पोटच्या मुलीवर अनैसर्गिक अत्याचार करणाऱ्या नराधन बापाला आणि तिच्या आईला सोलापूर जिल्हा (Solapur District) विशेष न्यायालयाने फाशीची शिक्षा सुनावली आहे. सिकंदाराबाद येथे कामगार असणाऱ्या पित्याने आपल्या मुलीवर अनैसर्गिक अत्याचार केला होता. एवढ्यावरच न थांबता या नराधम बापाने मुलीला अल्कोहोल पाजून तिचा गळा आवळून खून केला होता. (Solapur District Special Court)

काय आहे हे माणुसकीला काळीमा फासणार प्रकरण -

3 जानेवारी रोजी सोळा महिन्याच्या चिमुरडीवर वडीलाने राहत्या घरात अनैसर्गीक लैंगिक अत्याचार केला होता. शिवाय, पुरावे नष्ट करण्यासाठी मुलीची गळा दाबून हत्या केली. सिकंदराबाद राजकोट एक्सप्रेस रेल्वेतून जात असताना संशयास्पद हालचालीवरुन प्रवशांना संशय आल्याने त्यांनी रेल्वे पोलिसांना (Police) माहिती दिली होती.

हे देखील पाहा -

त्यानंतर सोळा महिन्याच्या मुलीचं मृतदेह घेऊन जात असताना, सोलापूर लोहमार्ग पोलिसांनी संशयीत आरोपी आणि त्यासोबत त्याच्या पत्नीला अटक केली आणि पोक्सो कायद्यांतर्गत गुन्हा दाखल केला होता. याच प्रकरणात आज सोलापूर जिल्हा विशेष न्यायालयाने पाच महिन्यात या नराधम बापाला आणि आईला फाशीची शिक्षा सुनावल्यावची माहिती सरकारी वकील प्रदीपसिंह राजपूत यांनी दिली.

Edited By - Jagdish Patil