Sambhajinagar Accident News: सोलापूर -धुळे महामार्गावर भीषण अपघात, रस्ता ओलांडत असताना 3 जणांना भरधाव ट्रकने चिरडले; दोघांचा मृत्यू

नवनीत तापडिया

Accident News Today: धुळे सोलापूर राष्ट्रीय महामार्गावर भीषण अपघात झाला आहे. रस्ता ओलांडत असताना तीन जणांना भरधाव ट्रकने चिरडले असून त्यातील दोन जणांचा जागीच मृत्यू झाला आहे. तर एक जण गंभीर जखमी झाला आहे. ही घटना आडगाव जवळ घडली. (Latest Marathi News)

या भीषण अपघातात (Accident) पिंटूसिंग राजपूत, गजानन मोहिते या दोघांचा मृत्यू झाला असून कमलेशसिंग राजपूत हा गंभीर जखमी आहे. हे सर्वजण आडगाव परिसरात एका ठेकेदाराकडे कामाला होते.

रस्ता ओलांडत असताना हा भीषण अपघात झालेला आहे. गेल्या महिन्यात अशाच पद्धतीने गुजरातमधील चार भावंडांचा समृद्धी महामार्गावर अपघातात मृत्यू झाला होता. त्यानंतर आता पुन्हा एकदा सोलापूर राष्ट्रीय महामार्गावर अपघात झाला आहे. यात दोन जणांचा मृत्यू झाला आहे तर तर एक मृत्यूची झुंज देत आहे. त्यामुळे जिल्ह्यात अपघाताचे प्रमाणात वाढ होताना पाहायला मिळत आहे. (Accident News)