Sangli Accident: रत्नागिरी-नागपूर महामार्गावर भीषण अपघात; कारची रस्त्यावरील दुभाजकाला धडक; ३ जणांचा जागीच मृत्यू

(विजय पाटील, सांगली)

Car Hits Road Divider, 3 People Died :

सांगलीच्या शिरढोण येथे झालेल्या भीषण अपघातामध्ये ३ जण जागीच ठार झालेत तर एक जण गंभीर जखमी झालाय. रत्नागिरी-नागपूर महामार्गावर असणाऱ्या शिरढोण पूलाजवळ भरधाव वाहनाचा ताबा सुटल्याने हा अपघात झाला. मृतांमध्ये दोन पुरुष आणि एक महिलेचा समावेश आहे.(Latest News)

मिळालेल्या प्राथमिक माहितीनुसार, अपघातग्रस्त झालेले वाहन सांगोल्याहून कोल्हापूरकडे जात होते. या कार चालकाचा वाहनावरील ताबा सुटला आणि कार थेट रस्त्याच्याकडेला असणाऱ्या डिव्हायडरवर जाऊन आदळली. या कारमध्ये असणारे तिघेजण हे ठार झालेत तर एक जण गंभीर जखमी झाला आहे. तर मृतांमधील महिलेचे नाव राधा जाधव असून इतर दोन मृत पुरुष आणि जखमी व्यक्ती हे कोल्हापूरचे असल्याचे समोर आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मुंबई-नाशिक महामार्गावर भीषण अपघात

तीन-चार दिवसापूर्वी मुंबई-नाशिक महामार्गावर भीषण अपघात झाल्याची घटना घडली होती. या अपघातात दोन जणांचा जागीच मृत्यू तर दोन जण जखमी झाले होते. जखमींपैकी एकाची प्रकृती चिंताजनक होती. शहापूर तालुक्यातील मुंबई नाशिक महामार्गावरील ड्रीम हॉटेल जवळ ही घटना घडली होती. एका चारचाकीने काही तरुण भरधाव वेगाने समोर येत होते.

त्यावेळी अचानक वाहन चालकाचा वाहनावरील ताबा सुटला. त्यामुळे गाडी महामार्गालगत असलेल्या टेकडीवर जावून आदळली होती. अपघातावेळी कार फार वेगात होती, त्यामुळे चालकाचा कारवरील नियंत्रण सुटले कार टेकडीवर जाऊन आदळलीय.