माधव सावरगावे
औरंगाबाद: जिल्ह्यातील सिल्लोड जवळ भीषण अपघात झाल्याची माहिती मिळत आहे. या भीषण अपघातात सहा जण जागीच ठार तर आठ गंभीर जखमी झाल्याची माहिती समोर आली आहे. सिल्लोड ते कन्नड रोड वर एक नादुरुस्त उसाचा ट्रॅक्टर थांबला होता, त्या ट्रॅक्टर वर लग्नाचा वऱ्हाड घेऊन जाणारा टेम्पो धडकला. त्यात टेम्पोचा अक्षरशा चुरा झाला आहे.
मिळालेल्या माहितीनुसार, अपघातातील सर्व जण सिल्लोड तालुक्यातील मंगरूळ या गावचे रहिवासी आहेत. लग्नासाठी ते मंगरूळ कडून सिल्लोडला येत असताना हा भीषण अपघात झाला आहे.
या अपघातात सहा जण जागीच ठार झाले आहेत. 14 जण जखमी झाले आहेत. तर, गंभीर जखमींना सिल्लोड येथील आरोग्य केंद्रात उपचारासाठी दाखल करण्यात आले आहे.
मंगरूळ येथील शिवराम मुकुंदा खेळवणे यांचा बुधवारी संध्याकाळी घाटशेंद्रा येथे विवाह होता. वऱ्हाडी पाहुणे लग्न लावून रात्री ही परत मंगरूळ येथे येत होती. झोपेच्या नादात वाहणा वरील नियंत्रण सुटून मोढा फाटा, भराडी रोड या ठिकाणी ऊस असलेले ट्रॅक्टर रस्त्याचे कडेला नादुरुस्त अवस्थेत उभा असताना, रात्रीचे 2.00 वाजताचे सुमारास अशोक लेलँड छोटा पीक अप (क्र. MH 20 CT 2981) सदरील टेम्पो ऊसाच्या ट्रॅक्टरला धडकला अशी माहिती मिळत आहे.
या अपघातामध्ये 6 व्यक्ती मयत झाले असून मयत हे मंगरूळ ता सिल्लोड या गावचे रहिवासासी आहेत. मृतदेह हे सिल्लोड रुग्णालय येथे आहेत.
अपघातात मृत पावलेल्यांची नावे-
1 ) जिजाबाई गणपत खेळवणे, वय 60 वर्ष
2 ) संजय संपत खेळवणे, वय 42 वर्ष
3 ) संगिता रतन खेळवणे, वय 35 वर्ष
4 ) लक्ष्मीबाई अशोक खेळवणे, वय 45 वर्ष
5 ) अशोक संपत खेळवणे , वय 52 वर्ष सर्व रा मंगरुळ ता . सिल्लोड यांचा मोढा फाटाजवळ अपघात झाला असुन त्यांना मृत अवस्थेत रुग्णालयात दाखल केले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.