Trimbakeshwar News : विहीर खोदण्यासाठी स्फोटकांचा वापर जीवावर बेतला; ३ कामगारांचा मृत्यू, १ गंभीर जखमी

Nashik News : नाशिक येथील त्र्यंबकेश्वर येथून एक मोठी बातमी समोर आली आहे. त्र्यंबकेश्वर तालुक्यात भीषण दुर्घटना घडली आहे आहे. विहीर खोदण्यासाठी वापरल्या जाणाऱ्या स्फोटकांचा स्फोट होऊन ३ कामगारांचा मृत्यू झाला आहे तर १ गंभीर जखमी झाला आहे. त्र्यंबकेश्वर तालुक्यातील हिरडी या गावात मंगळवारी रात्री दहा वाजेच्या सुमारास ही दुर्घटना घडली. (Latest Marathi News)

विहीरी खोदण्यासाठी स्फोटकांचा वापर केला जातो आणि याच स्फोटामध्ये ३ कामगारांचा मृत्यू झाला आहे. हिरडी गावात रात्रीच्या सुमारास विहीरीचे खोदकाम सुरू होते. त्यावेळी अचानक स्फोटकांचा स्फोट झाला आणि काही कामगार विहीरीत पडले. या घटनेत ३ कामगारांचा मृत्यू झाला तर १ गंभीर जखमी झाला आहे. जखमी कामगाराला नाशिकच्या (Nashik) जिल्हा रुग्णालयात (Hospital) उपचारासाठी केलं दाखल करण्यात आले असून त्याच्यावर उपचार सुरु आहेत.

हे चारही कामगार परप्रांतीय असल्याचे सांगितले जाते. ही दुर्घटना घडताच पोलिसांना ही बाब कळविण्यात आली. त्यानंतर अ‍ॅम्ब्युलन्ससह पोलिसांचे पथक घटनास्थळी दाखल झाले. गंभीर जखमी कामगाराला नाशिक सिव्हिल हॉस्पिटलमध्ये दाखल करण्यात आले आहे. याप्रकरणी पोलीस अधिक तपास करीत आहेत. (Nashik News)