दुर्दैवी: प्रेम मिळालं! पण, दोघांनीही गळफास घेत संपवलं आयुष्य; पालघरमधील घटनेनं हळहळ

पालघर: डहाणू (Dahanu) तालुक्यातील वरखंडा (Varkhanda) गावाच्या हद्दीतील कुर्झे धरणालगत (Kurze Dam) एका बोरीच्या झाडाला गळफास घेऊन युवक-युवतीने आत्महत्या केल्याची घटना समोर आली आहे. सुस्मिता प्रकाश भीमरा (वय 21) रा. उपलाट कलंबटपाडा आणि सुदीप धाकू उंबरसाडा (वय 23) रा. वरवडा डोंगरीपाडा अशी आत्महत्या (suicide) करणाऱ्या दोघांची नावे आहेत. घटनेची माहिती मिळताच तलासरी पोलिसांनी (Talasari Police) घटनास्थळी धाव घेत मृतदेहांचा पंचनामा करत शवविच्छेदनाकरीता तलासरी ग्रामीण रुग्णालयात रवाना केले. (Unfortunate: Got love! But, both of them ended their lives by hanging; The incident in Palghar caused a stir)

हे देखील पहा -

सुस्मिता व सुदीप यांचे प्रेम होते. काही महिन्यांपूर्वी दोघांचा साखरपुडा देखील झाल्याचे सांगण्यात येत असून सुदीप याचा सलूनचा व्यवसाय होता. परंतु सलून चालत नसल्याने एका खाजगी कंपनीमध्ये कामगार म्हणून कामाला जात होता. मात्र मागील दोन आठवड्यापासून सुदीपने कंपनीतही अचानक जाणे बंद केले होते. काही दिवसांपासून आर्थिक चणचनीमूळे (Financial Issues) त्याचं मानसिक खच्चीकरण झालं होतं, यामुळं आर्थिक चणचनीला कंटाळूनच जीवन संपवल्याच सांगण्यात येत असून तलासरी पोलिस याबाबत अधिक तपास करीत आहेत.

Edited By - Akshay Baisane