दुर्दैवी! साताऱ्यात दिवाळी निमित्त घरावर लायटिंग करत असताना विजेचा धक्का लागून एकाचा मृत्यू....

सातारा : दिवाळीकरिता आपण सर्वचजण घराची साफसफाई करुन, विद्युत रोषणाई lighting, कंदील Diwali Kandil घराबाहेर लावत असतो. याच प्रकारे आपल्या घरावर विद्युत रोषणाई करणाऱ्या सातारा मधील Satara कुटुंबाला विजेचा धक्का electric shock लागला आहे. या घटनेमध्ये कुटुंब प्रमुख सुनील मोरे यांचा जागीच मृत्यू झाला आहे, तर त्यांची पत्नी आणि २ मुले गंभीर जखमी झाले आहेत. या घटनेने संपूर्ण परिसरात हळहळ व्यक्त होत आहे.

हे देखील पहा-

साताऱ्यामधील मोरे कॉलनीत ही दुर्दैवी घटना घडली आहे. मोरे कॉलनी मध्ये राहणारे सुनील पवार हे आपल्या घराला विद्युत रोषणाई करत होते. घरात इतर सदस्य देखील त्यांना मदत करत होते. घराच्या दुसऱ्या मजल्याववर रोषणाई करत असताना, सुनील मोरे यांचा हात चुकून वीज वितरणच्या मुख्य लाईनला लागला. यामुळे सुनील पवार यांना विजेचा धक्का लागला आणि ते विजेच्या तारेला चिकटले.आपल्या पतींना विजेचा धक्का लागल्याचे बघून पत्नीने त्यांच्या बचावाकरिता ओढण्याचा प्रयत्न केला असता पत्नीला देखील विजेचा धक्का बसला आहे, आणि त्या देखील चिकटल्या होते.

त्यानंतर या दाम्पत्याच्या दोन्ही मुलांनी आपल्या आई- वडिलांना वाचवण्याकरिता हात लावला असता त्यांना देखील विजेचा धक्का बसला आहे. या घटनेची माहिती मिळताच शेजाऱ्यांनी मदतीकरिता धाव घेतली होती. वीज पुरवठा बंद करुन, संपूर्ण कुटुंबाला तात्काळ उपचाराकरिता रुग्णालयात दाखल करण्यात आले आहे. दुर्दैवाने सुनील पवार यांचा उपचार करण्यापूर्वीच मत्यू झाला होता. तर सुनील पवार यांच्या पत्नी आणि २ मुलांवर रुग्णालयात उपचार सुरू आहेत.

Edited By- Digambar Jadhav