Electric Bike Fire News: वाईत खळबळ, प्रवासातच इलेक्ट्रिक बाईकने घेतला पेट

Satara News :

सातारा जिल्ह्यातील वाई शहरात मध्यवर्ती ठिकाणी शॉर्टसर्किटमुळे चालत्या इलेक्ट्रिक बाइकने पेट घेतल्याची घटना आज (गुरुवार) दुपारच्या सुमारास घडली. या घटनेत बाइक संपुर्णत: जळून खाख झाली. (Maharashtra News)

सुदैवाने या इलेक्ट्रिक बाइकवर असणा-या दाेघांनी प्रवाशांनी प्रसंगावधान दाखवून बाईक मधून धूर येताच हातातून बाईक सोडली. ते थाेड्या दूर अंतरावर जाऊन थांबले. या घटनेत त्यांची बाईक जळून खाक झाली.

वाई शहरातील मध्यवरती ठिकाणी इलेक्ट्रिक बाइकने पेट घेतल्याने बघ्यांची घटनास्थळी गर्दी झाली. यामुळे काही काळ येथील वाहतुक विस्कळीत झाली. या घटनेची माहिती कळताच पाेलीस घटनास्थळी दाखल झाले. त्यांनी वाहतुक सुरळीत केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar