काँग्रेसमधली खदखद! आशिष देशमुख देणार महासचिव पदाचा राजीनामा?

नागपूर : राज्यसभेच्या (Rajya Sabha Election) उमेदवारीवरून काँग्रेस (Congress) नेत्यांमध्ये नाराजी असल्याची चर्चा आहे. राज्यसभेसाठी महाराष्ट्राबाहेरील उमेदवार दिल्याने महाराष्ट्र काँग्रेसमधील खदखद समोर येत आहे. सूत्रांनी दिलेल्या माहितीनुसार डॉ. आशिष देशमुख (Dr Ashish Deshmukh) काँग्रेस महासचिव पदाचा राजीनामा देणार असल्याची माहिती आहे. इमरान प्रतापगडी या बाहेरच्या उमेदवाराला महाराष्ट्रावर लादल्याने ते राजीनामा देणार असल्याचं सूत्रांनी सांगितलं आहे. (Congress Dr Ashish Deshmukh Latest News)

काँग्रेसमध्ये प्रवेश करताना डॉ. आशिष देशमुख यांना राज्यसभेचं आश्वासन देण्यात आलं होतं. मात्र वरिष्ठांनी हे आश्वासन पाळलं नसल्याने आता ते राजीनामा देणार असल्याची माहिती सूत्रांनी दिली आहे. दरम्यान, डॉ. आशिष देशमुख हे पदाचा राजीनामा देणार असले तरी ते पक्ष सोडणार नाही अशीही माहिती सूत्रांनी दिली आहे.