धुळे : घरफोडी करण्याच्या उद्देशाने फिरत असलेल्या चौघांच्या वाहनासह पोलिसांनी ताब्यात घेतले आहे. (dhule) त्यांच्याकडून गावठी कट्टा व इतर साहित्य जप्त करण्यात आले आहे. मात्र यातील दोघे फरार झाले असून फरार आरोपींचा (Shirpur) शिरपूर तालुका पोलीस शोध घेत असून, पुढील तपास शिरपूर पोलिसांतर्फे करण्यात येत आहे. (Live Marathi News)
शिरपूर तालुक्यातील पळासनेर घाटात काही संशयीत ईसम वाहनात फिरत असल्याची गोपनिय माहिती बातमीदारामार्फत (Shirpur Police) शिरपुर तालुका पोलीसांना मिळाली होती. या माहितीवरून पोलीस मुंबई- आग्रा माहामार्गावर (Mumbai Agra Highway) पळासनेर घाटात पोहोचले. येथे पळासनेर शिवारातील भिलाट बाबा मंदिराच्या पुढे नाल्याजवळ संबंधित वाहन पोलिसांना मिळुन आले. पोलिसांनी या वाहनांची तपासणी केली.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
वाहनात सहा ईसम पोलिसांना आढळून आले. परंतु त्यातील दोघे इसम पसार होण्यात यशस्वी झाले असून, चौघांना पोलिसांनी ताब्यात घेतले आहे. या चौघांकडून पोलिसांनी दोन गावठी बनावटीचे पिस्तूल, त्याचबरोबर तीन जिवंत कार्तूस, चाकू तसेच मिरचीची पूड असे घरपोडीसाठी आवश्यक असलेले साहित्य पोलिसांनी जप्त केले आहे. त्या कारवाईत जवळपास नऊ लाखांपेक्षा अधिकचा मुद्देमाल पोलिसांनी या चोरट्यांकडून जप्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.