तरुणाने साकारली मस्जिदे नबवीची प्रतिकृती

धुळे : धुळे शहरातील मुस्लिम तरुणाने गेल्या दोन वर्षांपुर्वी सौदी अरेबिया येथील साकारलेल्या हरम शरीफ (हज) च्या प्रतिकृतीनंतर आता पुन्हा मस्जिदे नबवीची प्रतिकृती साकारली आहे. (dhule-news-The-young-man-built-a-replica-of-Masjid-Nabavi-in-Saudi-Arabia)

धुळे शहरातील मौलवी गंज परिसरात राहणारे अजीम नवाब अन्सारी यांनी दोन वर्षांपूर्वी सौदी अरेबियामध्ये मुस्लिम बांधवांचे श्रद्धास्थान असलेले हरम शरीफ (हज्ज, काबा)ची हुबेहूब प्रतिकृती साकारली होती. या प्रतिकृतीचे देशभरातून मुस्लिम बांधवांसह इतर धर्मियांच्या नागरिकांनी देखील अजीम नवाब अन्सारी यांचे कौतुक केले होते. त्यानंतर आता पुन्हा एकदा अन्सारी यांनी नागरिकांच्या आग्रहास्तव सौदी अरेबियामधील मुस्लिम बांधवांचे पवित्र मानले जाणारे धार्मिक स्थळ मस्जिदे नबवीची हुबेहूब प्रतिकृती साकारली आहे.

प्रतिकृतीची पाहणी केली तर मिळेल संपुर्ण माहिती

मस्जिदे नबवी या प्रार्थना स्थळाला भेट देण्यासाठी जगभरातून मुस्लिम बांधव सौदी अरेबिया याठिकाणी जात असतात. परंतु त्याठिकाणी पोहोचल्यानंतर या प्रार्थनास्थळाची पूर्णपणे माहिती नसल्यामुळे बहुतांश वेळ भाविकांचा त्या ठिकाणी माहिती घेण्यातच जात असतो. त्यामुळे मुस्लिम बांधवांची मोठी तारांबळ देखील उडते. मुस्लिम बांधवांची हीच अडचण लक्षात घेता अन्सार यांनी मस्जिदे नबवी या प्रार्थना स्थळाची हुबेहूब प्रतिकृती तयार केली आहे. सौदी अरेबियामध्ये या प्रार्थनास्थळाला भेट देण्यापूर्वी मुस्लिम बांधवांनी किंवा इतर पर्यटकांनी या प्रतिकृतीची पाहणी केली. तर नक्कीच भाविकांना सौदी अरेबियामध्ये गेल्यानंतर उडणारा गोंधळ टाळता येणे शक्‍य होणार असल्याचे अन्सारी यांनी स्पष्ट केले आहे.